in

ქართული სოფლები რუსულ ოკუპაციამდე და შემდეგ

ცნობილია, რომ 2008 წლის რუსული ოკუპაციის შემდეგ, ოკუპირებულ ცხინვალის რეგიონში, ყველა ქართულ სოფელში ყველა ქართული სახლი თანმიმდევრულად და მიზანმიმართულად გაანადგურეს (განა ყველა საბრძოლო მოქმედებების დროს დაინგრა. არა, ომის შემდეგ, ცარიელი სახლები ჩამოიარეს, სადაც წინააღმდეგობას არავინ უწევდა და ააფეთქეს).

მაგრამ ის, რაც 2015 წლის მდგომარეობით ჩანს, მართლაც საკვირველია: დიდი ლიახვის ხეობის ქართულ სოფლებში შენობების ნანგრევებიც კი აღარ დგას. სოფლების ადგილზე მხოლოდ მინდორი და ხეებია დარჩენილი.

როგორ უნდა გაეკეთებინათ ეს? როგორ უნდა გაექროთ საკმაოდ დიდი სოფლები ისე, რომ იქ დასახლებული პუნქტის ნაკვალევიც კი აღარ დარჩენილიყო? ამ ყველაფერს, ვფიქრობ კოლოსალური სამუშაოები დაჭირდებოდა: ძალიან ბევრი მძიმე სამშენებლო ტექნიკა, რომელიც ყველა დანგრეულ და დაზიანებულ შენობას პირწმინდად გაასწორებდა მიწასთან, შემდეგ ათასობით ტონა ნანგრევებს გაიტანდა და ბოლოს დარჩენილ საძირკველს (თუ საძირკვლებიც არ ამოთხარეს) მიწას მიაყრიდა. ამას საკმაოდ დიდი დრო და სათანადო ორგანიზება დაჭირდებოდა.

და რუსებმა ეს ყველაფერი გააკეთეს.

როგორც Google Earth-იდან ჩანს, ყოველივე ზემოაღნიშნული დიდი ლიახვის ხეობის ქართულ სოფლებში განხორციელდა. პატარა ლიახვის ხეობასა და ცხინვალის რეგიონის სხვა ტერიტორიებზე მდებარე ქართულ სოფლებში (მაგალითად ერედვი, ბერულა, არგვისი, ავნევი) ყველა შენობა დანგრეულია, მაგრამ ნანგრევები ჯერ კიდევ დგას. ეტყობა ოკუპანტებს პირველ რიგში ოკუპირებული ტერიტორიის მთავარი ღერძიდან – დიდი ლიახვის ხეობიდან სურდათ ქართული დასახლებების ნაშთების მოსპობა.

შედეგად (რაც მე მოვიძიე), აღარ არსებობს დიდი ლიახვის ხეობის შემდეგი ქართული სოფლები:
1. თამარაშენი
2. ქვემო აჩაბეთი
3. ხეითი
4. ზემო აჩაბეთი
5. ქურთა
6. კეხვი
7. ძარწემი
8. ქემერტი

ამ სოფლებიდან დევნილი მოსახლეობა რომც დააბრუნო, ვერსად ვერ დაბრუნდება, რადგან მათ არათუ სახლი, არამედ კედლების ნანგრევებიც კი არ დახვდებათ, რომ სურვილის და შესაძლებლობის შემთხვევაში გაამაგრონ და სახურავი დაადგან. იქ ალბათ იმის გარკვევაც რთული იქნება, თუ ზუსტად ვისი სახლი სად იდგა.

GOOGLE EARTH / Zura Natsvlishvili
GOOGLE EARTH / Zura Natsvlishvili
GOOGLE EARTH / Zura Natsvlishvili
GOOGLE EARTH / Zura Natsvlishvili

ავტორი: Zura Natsvlishvili

თქვენც შეგიძლიათ შექმნათ მსგავსი პოსტი. შექმენით!

What do you think?

0 ქულა
კარგია ცუდია

Total votes: 2

კარგი შეფასება: 1

კარგი შეფასების პროცენტულობა: 50.000000%

ცუდი შეფასება: 1

ცუდი შეფასების პროცენტულობა: 50.000000%

One Comment

Leave a Reply
  1. როდემდე უნდა წეროთ ეს სისულელეები?
    ჯერ ერთი სამაჩაბლოს ხეობა ომით კი არ წაგვართვეს და ყომარში კი არ წავაგეთ, არამედ გაიყიდა, თან ძალიან დიდ თანხად, რამოდენიმე მილიარდ დოლარად. ომმა უბრალოდ გააპრავა ის ფული. მავანთათვის არაფრად არ ღირდა იმ ვაჟკაცების სიცოცხლე, რომლებმაც თავი შესწირეს ჩვენი ქვეყნის ერთიანობას. უფრო მეტსაც გაწირავდნენ, ოღონდაც დიდი ფული ეშოვა რამოდენიმე არაკაცს. სად იყვნენ ადგილობრივი მმართველი ორგანოების ხელმძღვანელები 8 აგვისტოს? რატომ გაიქცნენ ადგილობრივ მოსახლეობაზე გაცილებით ადრე, ვიდრე ომი დაიწყებოდა?
    მეორე: მთავრობამ ძალიან კარგად იცოდა, რომ ეგ ხეობა უნდა დაცლილიყო და წინასწარ ეძებდნენ საქართველოს მთელ ტერიტორიაზე მიტოვებულ სოფლებს, აგზავნიდნენ შუამავლებს, რათა ეყიდათ და გაემზადებინათ საცხოვრებელი სამაჩაბლოდან გამოყრილი დევნილებისათვის. ეს 2008 წლის ადრე გაზაფხულზე ხდებოდა, თითქმის ხუთი თვით ადრე, ვიდრე ომი დაიწყებოდა და ამისი ცოცხალი მოწმეები არსებობენ, რომლებიც პარალელურ რეჟიმში თავად ეძებდნენ თავიანთი ოჯახებისა და ახლობლებისთვის საცხოვრებელს და შემთხვევით წააწყდნენ იგივე სოფლებს. რადგან მთავრობამ ვერ მიაღწია შეთანხმებას, გადაწყდა გეტოები აშენებულიყო გორისა და მცხეთის რაიონების უპატრონო მინდვრებზე, რომლებიც საძოვრადაც კი არ ვარგოდა.
    მესამე: დააბრუნეთ ჩვენი ხალხი უკან, თავის მიწა–წყალზე და მე გაძლევთ გარანტიას, ხუთი სანტიმეტრის სიზუსტით აღვადგენთ ძველ საზღვრებს სამეზობლოებს შორის ისე, რომ პრეტენზია არავის ექნება. თუ ვინმეს სამაჩაბლოელების გონებისა და მახსოვრობის შემოწმება უნდა, დაგიმტკიცებთ, რომ სოფელი პირვანდელ საზღვრებს დაუბრუნდება და არცერთი იძულებით გადაადგილებული ხეობელი უკმაყოფილო არ დარჩება, რომ მისი ეზო–კარის საზღვრები დაირღვა. რაც შეეხება სახლებს, რომელთაგანაც აღარაფერია დარჩენილი, მთელი მსოფლიო კიდევ ერთხელ გამოყოფს სახსრებს მათ ასაშენებლად. მოიკითხეთ სად წავიდა ბევრი მილიარდი, რომლითაც რუსეთმა შეიძინა სამაჩაბლო, მოაცუნცულებინეთ უკან და გარანტიას გაძლევთ ყველა კმაყოფილი დარჩება. სოფლებიც პირვანდელ სახეს დაიბრუნებენ, თუმცა ძალიან დიდი სამუშაოები იქნება ჩასატარებელი. პირველ რიგში გასანააღმი იქნება მთელი ხეობა და მხოლოდ ამის შემდეგ დაიწყება მშენებლობა.
    მეოთხე და ყველაზე მთავარი: მოიკიხეთ რა რაოდენობის თანხა იყო გამოყოფილი მსოფლიო ბანკებიდან თითოეული ოჯახისათვის და რამდენი მოხმარდა მათ. რა დაჯდა ის გეტოები, რომელიც აშენდა ლტოლვილებისთვის? სად წავიდა დარჩენილი მილიარდები? რატომაა 9 წლის შემდეგ ჯერ კიდევ დაუკმაყოფილებელი ლტოლვილთა საკმაოდ დიდი ნაწილი? სად წავიდა რამოდენიმე მილიარდი დოლარი? რომელ ოფშორებში და ვის ანგარიშზე მოხდა ამ თანხის აკუმულირება? რა კრიტერიუმებით მოხდა ლტოლვილთა შერჩევა და ვინ რითი დააკმაყოფილეს? ჩვენ კი ვიცით, მაგრამ ოფიციალურად დაიდოს სიები ვინ რა სახის დახმარება მიიღო. ეს ხომ საჯარო ინფორმაციაა? პარალელურად დაიდოს იმათი სიებიც, ვინც დაუმსახურებლად მიიღო სხვებისთვის გამოყოფილი თანხები და მერე ატკატის სახით უკან დააბრუნა თანხის გარკვეული, საკმაოდ დიდი ნაწილი…
    ყველაფერს ეშველება, გარდა იმ გმირების სიცოცხლისა, რომლებმაც უანგაროდ გაწირეს სიცოცხლე საქართველოს მთლიანობისათვის. იმ საქართველოსი, რომლის ნაწილიც სამწუხაროდ გაიყიდა…

კომენტარის დატოვება

თქვენი ელფოსტის მისამართი გამოქვეყნებული არ იყო.

რატომ არ გამოიყენება ფანქარი საწერ საშუალებად კოსმოსში?

საქართველოს ბედი